農友團結一致
Lông-iú thuân-kiat it-tì
演唱人：濁水溪公社
作曲人：柯仁堅
作詞人：柯仁堅
以下歌詞來自 歌詞正字：
全漢編修人： 黃悅綺
全羅編修人： Jimmy Huang; Chih-Min Chao
│田底稻仔青青 家家戶戶好收成
Tshân-té tiō-á tshinn-tshinn，ke-ke-hōo-hōo hó siu-sîng
│滿山茶葉清香 姑娘歌聲迷人
Muá-suann tê-hio̍h tshing-phang，koo-niû kua-siann bê-lâng
│少年仔割草犁田土 靠咱本領相照顧
Siàu-liân-á kuah-tsháu lê tshân thôo，khò lán pún-líng sio tsiàu-kòo
│親家親母好鬥陣 燒酒扞來飲
Tshin-ke tshin-ḿ(-á) hó tàu-tīn，sio-tsiú kuānn lâi lim
-
:
│海峽吹來南風 蓮霧花開滿樹紅
Hái-kiap tshue lâi lâm-hong，lián-bū khui-hue muá tshiū âng
│八月圳溝濁水 經過數百個鄉鎮
Peh gue̍h tsùn-kau ê lô-tsuí，king-kuè sòo pah ê hiong-tìn
│山珍海味吃未空 鹹酸苦淡一世人
San-tin-hái-bī tsia̍h buē khang，kiâm-sng-khóo-tsiánn tsi̍t-sì-lâng
│時代改變人情變 農友心不變
Sî-tāi kái-piàn jîn-tsîng piàn，lông-Iú sim put piàn
-
:
│受盡苦中苦 日曬風來吹
Siū tsìn khóo tiong khóo，ji̍t-pha̍k hong lâi tshue
│春夏擱秋冬 大海變良田
Tshun-hā koh tshiu-tang，tuā-hái piàn liông tiân
│腳踏一片地 頭頂一片天
kha ta̍h tsi̍t phìnn tē，thâu tíng tsi̍t phiàn thian
│公嬤有保庇 子孫大富貴
Kong-má ū pó-pì，kiánn-sun tuā hù-kuì
-
:
│咱是勤儉打拼種田人
Lán sī khûn-khiām phah-piànn tsìng-tshân-lâng
│有情有義凡事照起工
Ū-tsîng-ū-gī huân-sū tsiàu-khí-kang
│一粒米 百粒汗 露水滴落心
Tsi̍t lia̍p bí，pah lia̍p kuānn，lōo-tsuí tih lo̍h sim
│(三不五時乾一杯 困難免驚惶)
Sam-put-gōo-sî kan tsi̍t pue，khùn-lân bián kiann-hiânn
│咱是出身惦農村草地人
Lán sī tshut-sin tiàm lông-tshun tsháu-tē-lâng
│平安自在心情卡快活
Pîng-an tsū-tsāi sim-tsîng khah khuìnn-ua̍h
│人生長路來鼓勵 天涯做陣行
Jîn-sing tn̂g lōo lâi kóo-lē，thian-gâi tsuè-tīn kiânn
_EOF_
沒有留言:
張貼留言